2018/02/14

Martxoak 3

Martxoaren 3a dela-eta, aurten ere, orduan gertaturiko sarraskia gogoratu eta gertaerak bertatik bertara ezagutzeko, bisita gidatuak antolatu ditugu Zaramaga auzoan. Ordutegi guztietan izango dira, eta ezin eskertu gabe utzi Martxoak 3 Elkartea, beraiek baitira bisita hauen sortzaile eta gidari, bejondeizuela!


2018/02/12

Martxoaren 10ean Sagardotegira!

Zuhatzu herriko Kuartango Sagardotegira joango gara aurten AEK-TXOTX irteeran. Mintzalagunako kideekin bat egingo dugu, gainera, bazkalorduan. Izena eman nahi? Eskatu, bada, izen-emate orria zure AEK-ko euskaltegian eta bertan ikusiko dugu elkar!


2018/02/05

Inauteri Gala hemen da!

Mitologia izango da ostiral honetan egingo dugun jaiaren gaia. Fotokola, Kidam magoaren ikuskizuna, luntxa, mozorro-lehiaketa, Jon Dalton, DJ Elepunto...Mozorroak, umore ona eta euskara barra-barra, kanpoko hotzarekin ez da plan txarra!
Gogoratu, arratsaldeko 19etatik aurrera Kubik aretoan!

2018/02/02

Inauteri Gala: Mitologia

Astebete falta da Mitologiaren Inauteri Galarako! Gogoratu, hurrengo ostiralean, hilak 9, arratsaldeko 19etatik aurrera elkartuko garela Kubik aretoan.
Jon Dalton ere bertan izango da, bere azken arrakasta eta guzti, ezagutzen al duzu?